زکوۃ کے مصارف سے متعلق متفرق سوالات

سوال:۱-زکوۃ کے فنڈ سے زید اور ہندہ کو وظیفہ دیا جاسکتاہے یا نہیں؟

۲-زید اور ہندہ غیرمستطیع ہیں زکوۃ کے فنڈ سے کسی ادارے میں داخلے کی فیس جمع کی جاسکتی ہے یا نہیں؟

۳-زکوۃ کے فنڈ سے کتابیں،کاپیاں، رجسٹر وغیرہ خریدی جاسکتی ہیں یا نہیں؟

۴-زکوۃ کے فنڈ سے بجلی کا بل یا ٹیلی فون کا بل جمع کیا جاسکتا ہے یا نہیںـ؟

۵-زکوۃ کے فنڈ سے مدرسین وملازمین کی تنخواہ دی جاسکتی ہے یانہیں؟

۶-اگر ملازمین ومدرسین زکوۃ کے مستحق ہیں توان کو زکوۃ کی فنڈ سے تنخواہ دی جاسکتی ہے یا نہیں؟

۷-زکوۃ کے فنڈ سے ضرورت مند اشخاص کی مدد کی جاسکتی ہے یا نہیں؟

۸-زکوۃ کے فنڈ سے زید اور ہندہ کو وظیفہ دیاگیا، کیا زید اور ہندہ اس وظیفہ کو کسی ادارہ میں داخلہ کی فیس کے طورپرجمع کرسکتے ہیں یا نہیں؟

ھــوالمصــوب:

۱-اگر زید وہندہ مستحق زکوۃ ہیںتو زکوۃسے وظیفہ دیاجاسکتا ہے۔(۱)

۲-غیرمستطیع ہونے کی صورت میں زکوۃ لے کر داخلہ کی فیس غیرمستطیع طلباء وطالبات جمع کرسکتے ہیں۔(۲)

۳- مذکورہ چیزیں خریدکرمستحق زکوۃ طلبہ کواس طورپردی جاسکتی ہے کہ انہیں مالک بنایاجائے، یا مستحق طلبہ کویہ رقم دے دیجائے اوروہ کتابیں وغیرہ خرید لیں۔(۳)

۴-بجلی بل یا ٹیلی فون بل بھی اس سے ادا نہیں کیا جاسکتا ہے(۴)، البتہ مستحق طلباء اپنی بجلی فیس ادا کرسکتے ہیں۔

۵-زکوۃ سے تنخواہیں بھی نہیں دی جاسکتی ہیں۔(۵)

۶-تنخواہ اجرت کو کہتے ہیں، اجرت میںزکوۃ نہیں دی جاسکتی ہے۔ (۱)

۷-ضرورت مندکی اعانت زکوۃ سے درست ہے، بلکہ فقراء تومصارف زکوۃ میںشامل ہیں۔(۲)

۸-اگر زید وہندہ مستحقین زکوۃ میںہیں تو انہیں زکوۃ دی جاسکتی ہے اور وہ اس کو فیس میں دے سکتے ہیں۔

تحریر:محمد ظفرعالم ندوی    تصویب:ناصر علی