سوال:ہمارے مدرسوں میں کمیشن عام ہوچکا ہے، مثلاً ایک ہزار چندہ ملا تو ۶۰ فیصد کی شکل میں چھ سو سفیر خود رکھ لیتا ہے، باقی چارسو مہتمم کے حوالہ کردیتا ہے، کیا سفیر اور مدرسہ والوں کا یہ معاملہ درست ہے؟اس طرح کامعاملہ اکثر مدارس میں مروج ہے۔
ھــوالـمـصـــوب:
دریافت کردہ صورت میں چندہ کرنے والا مستحق (سفیر) اپنے اس عمل کی متعین اجرت لے سکتا ہے، خواہ مالدار ہو یا غریب(۱)،لیکن سوال میں جوصورت ذکرکی گئی ہے وہ کمیشن کی صورت ہے،اسے اختیارکرناجائزنہیں ہے۔ (۲)
تحریر: محمدطارق ندوی تصویب:ناصر علی