فطرہ سے اساتذہ کی تنخواہ دینے کی ایک شکل

سوال:ہمارے گائوں میں ایک دینی مدرسہ ہے،گائوں کے لوگوں کے بچوں کی تعداد زیادہ ہے، اور گائوں کے چندہ سے مشکل سے ایک مدرس کی تنخواہ ہوپاتی ہے۔ لوگوں میں فیس دینے کی قدرت نہیں ہے، اور مزید ایک مدرس کا رکھنا نہایت ضروری ہے،تو کیا چرم قربانی اور فطرہ کی رقم سے تنخواہ دی جاسکتی ہے؟ یا مدرسہ کا کوئی کام اس سے کیا جاسکتا ہے؟

ھــوالـمـصـــوب:

دریافت کردہ صورت میں چرم قربانی اورصدقۂ فطر کی رقم سے مدرسین کی تنخواہ دینا یا مدرسہ کا کوئی کام کرنا شرعاً درست نہیں ہے (۱)،البتہ غیرصاحب نصاب سرپرستوں کو یہ رقم دے دی جائے تاکہ وہ فیس ادا کردیں تو شرعاً اس کی گنجائش ہے۔ (۲)

تحریر: محمدظفرعالم ندوی    تصویب:ناصر علی