سوال:کیا زکوۃ کی رقم سے:
۱-ایمبولنس خرید سکتے ہیں، جنکو مستحق زکوۃ اور غیرمستحق زکوۃ دونوںکے استعمال میں دیاجائے؟
۲-لاش گاڑی خرید سکتے ہیں؟
۳-رفاہی اسپتال یا کلینک چلاسکتے ہیں جس سے غریبوں کومفت دوا دی جائے ؟
۴-دینی کتابوں کی اشاعت اور خرید کر اس کی تقسیم کرسکتے ہیں؟
۵-مذکورہ بالا اور اس جیسے دیگر کاموں پر لگے ہوئے افراد اور عاملین کی تنخواہ اس سے ہونے والی آمدنی سے دی جاسکتی ہے؟
۶-مستحق افراد سے ہونے والی آمدنی اور غیرمستحق افراد سے ہونے والی آمدنی ایک جگہ جمع کراکے مصرف میں استعمال کی جائے گی، یا الگ الگ رکھی جائے گی۔
ھــوالمصــوب:
۱-ایمبولنس زکوۃ سے نہیں خرید سکتے ہیں۔(۱)
۲-نہیں۔
۳-رفاہی اسپتال سے دوا غریبوں کودے سکتے ہیں۔
۴-زکوۃ کی رقم سے شائع کرکے یاخریدکرغریبوں میں مفت تقسیم کرسکتے ہیں۔
۵-ان کاموںمیں لگے ہوئے افراد کو تنخواہ نہیں دے سکتے ہیں۔(۲)
۶-آمدنی ایک جگہ رکھ سکتے ہیں، البتہ زکوۃ اور غیرزکوۃ کی میزان الگ الگ معلوم رہے تاکہ اس کے بقدر مصرف میں صرف کی جائے۔ فقط
تحریر:محمد ظہورندوی