عشرسے دینی ادارہ کی تعمیر

سوال:کھیت سے نکلی ہوئی پوری فصل سے عشر ونصف عشر نکالاجائے گا یا کھیت میںلگے ہوئے اخراجات منہا کرنے کے بعد؟

۲-کیا یہ عشر ونصف عشر ایسے افراد پربھی ضروری ہے جوخود غریب ہوںیا مقروض ہو؟

۳-کیا اس عشر ونصف عشرکو کسی دینی ادارے میںکسی تعمیری کام کے لیے استعمال کیاجاسکتا ہے؟

ھــوالمصــوب:

۱-مذکورہ شکل میںکھیت کی مکمل فصل پر عشر یا نصف عشرنکالا جائے گا، کھیت پر صرف ہوئے اخراجات منہا نہیںکیے جائیںگے۔(۲)

۲-عشری زمین کی پیداوار پرعشر لازم ہے،خواہ کاشت کرنے والاغریب اورمقروض ہو،آیت کریمہ’ وآتوا حقہ یوم حصادہ‘(۳)، یہ آیت عام ہے، لہذا کوئی اس سے مستثنیٰ نہیں ۔

۳-عشر کا مصرف وہی ہے جو زکوۃ کا ، کسی ادارے کی تعمیر میں لگانا درست نہیںہے۔(۴)

تحریر:مسعود حسن حسنی    تصویب:ناصر علی