امورخارجہ

دارالعلوم کی بڑھتی ہوئی شہرت ومقبولیت کی وجہ سے بیرونی طلبہ کے داخلے بڑھ گئے ہیں، جس کی بناء پر دارالعلوم میں ایک شعبہ ’’امور خارجہ‘‘ قائم کردیا گیا، جس میں غیرملکی طلبہ کے داخلوں سے متعلق ریکارڈ رہتا ہے، ایسے طلبہ کے پاسپورٹ وغیرہ کی دیکھ بھال کی جاتی ہے، اور ان کا رجسٹریشن کرایا جاتا ہے، اس انتظام سے قبل غیرملکی طلبہ کو جو دشواریاں ہوتی ہیں، بحمداﷲ وہ رفع ہوگئی ہیں، اس کے علاوہ ان طلبہ کو اندرون ملک سفر کے لیے خصوصی ریلوے اجازت نامہ کے سہولت بھی بہم پہنچائی جاتی ہے، ا س کا انتظام کیا گیا ہے کہ جو غیرملکی طلبہ اپنے داخلہ کے لیے منظوری حاصل کرنا چاہتے ہیں تو ان کو باقاعدہ داخلہ کی منظوری روانہ کرنے کے بعد رجسٹرڈ کرلیا جائے، اور اس کی منظوری کا قانونی اجرا کر دیا جائے، تاکہ ان کو اپنے ملک سے آنے میں دشواری نہ ہو، اندرون ملک رہائش پذیر طلبہ کے لیے رعایتی ریلوے اجازت نامے بھی جاری کیے جاتے ہیں۔