کتب خانہ علامہ شبلی نعمانیؒ

کتب خانہ علامہ شبلی نعمانیؒ
ندوۃالعلماء کا یہ اہم کتب خانہ ایک شاندار پانچ منزلہ عمارت میں ہے، بیرونی ممالک کے ریسرچ اسکالر بھی اس کتب خانہ سے مستفید ہوتے ہیں، ندوۃالعلماء کا یہ اہم عظیم کتب خانہ ہندوپاک میں خصوصی امتیاز رکھتا ہے۔
اس کے تین شعبے ہیں: شعبۂ مطبوعات، شعبۂ مخطوطات اور شعبۂ انگریزی، ان کے مستقل ذمہ دار ہیں، جن کی نگرانی ناظم کتب خانہ کرتے ہیں، ندوۃالعلماء کے عام کتب خانہ کے ساتھ چند دوسرے کتب خانے بھی شامل ہیں، جن میں نواب سید صدیق حسنؒ کا کتب خانہ اور مولانا حکیم سیدعبدالعلیؒ کا کتب خانہ ممتاز حیثیت رکھتا ہے، جن میں بعض اہم مخطوطات بھی ہیں، کتب خانہ ندوۃالعلماء سے طلبہ کو تعلیم کے سلسلہ میں کتابیں مستعار دی جاتی ہیں، جو امتحان سالانہ کے وقت جمع کرا لی جاتی ہیں۔
کتب خانہ میں اس وقت دو لاکھ بیس ہزار سے زائد کتابیں ہیں، جن میں عربی، فارسی اور اردو کے تقریباً پانچ ہزار مخطوطات ہیں، اورکتب خانہ کو کمپیوٹرائز کردیا گیا ہے، اور جلد ہی ان شاء اﷲ انٹرنیٹ پر لے آیا جائے گا۔