مسجد کے فنڈ سے نذرانہ

سوال:۱-ماہ مبارک کی ۲۷؍شب میں قرآن کریم کے مکمل سنانے کے بعد امام صاحب کیلئے ہدیہ اکٹھاکرنا کیسا ہے؟

۲-مسجد کے روپیہ کے فنڈ سے امام صاحب کو قرآن مکمل سنانے کے بعد ہدیہ دینا کیسا ہے؟

۳-نماز عیدین کے بعد امام صاحب کو عمامہ باندھنا اور کچھ روپیہ دینا کیسا ہے؟

۴-امام صاحب ایک یا دوماہ کی چھٹی کرکے گھر چلے جاتے ہیں تو اس ماہ کی تنخواہ امام صاحب کو لینا کیسا ہے؟

ھــوالــمـصــوب:

۱-امام صاحب معاوضہ کے طور پر نہ سناتے ہوں اور لوگ اخلاص سے چندہ دیتے ہوں تو جائز ہے۔

۲-مسجد کے فنڈ سے نہیں دینا چاہئے۔

۳-اس موقع پر نہ دینا چاہئے۔

۴-ذمہ داران مسجد یا متولی اس کو منظور کرتا ہے تو امام صاحب لے سکتے ہیں بالجبر لینا درست نہ ہوگا۔

تحریر:محمد ظہور ندوی